7- ALFAHARI :

قال رسول الله (صلى الله عليه وآله)  : تزوّجوا فإنّي مكاثر بكم الاُمم يوم القيامة ، حتّى  أنّ السقط ليجيء محبنطئاً على باب الجنّة ، فيقال له  : اُدخل الجنّة ، فيقول  : لا ، حتّى يدخل أبواي الجنّة قبلي

20-Manzon Allah (saw) ya ce: ku yi aure haqiqa zanyi alfahari da ku ranar qiyama cikin al'ummu hatta jinjiri da akai barinsa zai zo  qofar aljanna yana cike da fushi,  ace masa shiga aljanna, sai ya ce bazan shiga ba har sai mahaifana sun shiga.

Wannan ba komai ba ne face kwadaitarwa da muhimmantar da mas'alar aure da iyali da yawaita zuriya ko da kuwa da jinjirin da akayi barinsa ne, haqiqa hakan na nuna al'amarin na da girma cikin al'ummar musulmi da kuma manufofinsa tsarkaka da kyakkyawar riba da ke kiran musulmi ya zuwa himmatuwa da al'amarin aure, ya sanya tubalinsa na farko kan tushe ingantacce da niyya ta gaskiya, haqiqa yadda al'amarin ya ke shi ne ana gane qarshen abubuwa da yadda aka assasa farkonsu, niyya ta kasance me kyawu tun farkon al'amari  tabbas Allah zai albarkance shi, maukibin iyali zai gudana kan hanya ta zinariya ya zuwa rabauta, cikin tafkuna matsaloli jirgin iyali zai birki ya tsaya cak a gefan gabar natsuwa da rayuwa mani'imciya, saboda bai yi aure kadai don qosarwa da biyan buqatarsa ta sha'awa, a 'a yayi ne don nauyaya qasa da kalmar tauhidi da kuma tabbatar da rabin addininsa, da katange kansa daga haduran zunubai, da kiyaye zuciyarsa daga munanan laifuka, ya kasance ma'abocin ginin da Allah keso da  raya sunnar annabinsa da neman arziqi da kare kai daga tarkon shaidan da wasiwasinsa, haqiqa dukkanin wanda bai aure ba cikin gaggawa zai fada hannun shaidanu da raye rayensu da wasiwasinsu, dukkanin wanda ya yi aure zai fuskanci Allah kai tsaye cikin ibadarsa .