بسم اللہ الرحمن الرحیم

پچیسویں شوال کا دن 148 ہجری بعض کےبقول حضرت امام جعفرصادق علیہ السلام کی شہادت کا دن ہےاوربعض آپ کی شہادت پندرہ رجب کوبیان کرتے ہیں حضرت امام جعفرصادق علیہ السلام کی شہادت کاسبب وہ زہرتھاجوآپ کو انگورمیں ملا کرکھلایا گیا، روایت میں آیاہے کہ جب آپ کی شہادت کاوقت قریب ہواتوآپ نے آنکھیں کھولیں اورآپ نے اقرباءکوجمع کرکےان کی طرف دیکھا،اورفرمایا کہ ہماری شفاعت اس شخص تک نہیں پہنچے گی جونماز کومعمولی شمارکرے اورنمازسے بے اعتنائی برتے ۔

اےشیعو!آپ کے امام علیہ السلام کااس وقت کاقول ہے جب کہ انسان سب سے قیمتی چیزکے بارے میں مشورہ اپنے اقرباء کو دیتاہے۔ ذراعبرت حاصل کرواورنمازسے غافل نہ رھو۔جب تم نمازنہیں پڑھتے تویہ مت سوچوکہ وقت نہیں ملا،بلکہ یہ سوچوکہ تم سے کوئی ایسی کونسی خطاہوئی کہ اللہ نے تمہیں اپنے سامنے کھڑاکرنابھی پسندنہیں کیا۔