بغداداورکوئٹہ کےحادثات پر آیت اللہ سیدعادل علوی کامذمتی بیان

بغداداورکوئٹہ کےحادثات پر آیت اللہ سیدعادل علوی کامذمتی بیان

بسم اللہ الرحمن الرحیم

"اناللہ واناالیہ راجعون "

"وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ "اورعنقریب ظالموں کو معلوم ہوجائے گا کہ وہ کس جگہ پلٹادئے جائیں گے

شجرہ شہادت محبین اہل بیت (ع)کے پاک اورمظلوم خون سے سیراب ہونے کا سلسلہ ہمیشہ سےجاری ہے آئے دن اہل بیت (ع )اوران کے شیعوں کی مظلومیت اوردنیا کے کسی نہ کسی کونے میں ناصبیوں ،منافقوں اورکینہ وروں (خداانہیں ذلیل کرے)کے ہاتھوں ان کے خون بہنے کی خبر پوری دنیا سنتی رہتی ہے۔

اورآخری بار تمام مومنین ومومنات اورپوری انسانیت کی دل دہل جانے والے حادثات وہ دلخراش دھماکے تھے جو عراق اورپاکستان کے شہر کوئٹہ میں پیش آئے کہ جن میں دسیوں شہید اورسینکڑوں زخمی ہوگئے ،اس عظیم سانحے کے موقع پر ہم ہمارے مولاوآقا حضرت امام زمان(عج)،تمام امت اسلامی ،دنیا کے تمام غیرت مندوں اورشہداء کے لواحقین کے حضورمیں تسلیت اورتعزیت پیش کرتے ہیں ۔اوران واقعات کے انجام دینے والوں مخصوصاً ان کی پشت پناہی کرنے والوں، اسرائیل اورشیطان اکبر امریکہ کی سرکردگی میں موجود عالمی استکبار اوراستعمار اوران کے کہنے پرچلنے والوں خصوصاًاسلامی ممالک کے ظالم حاکموں کی پرزورمذمت کرتے ہیں

ہم ان کے راہ پر سیسہ پلائی ہوئی دیوار کی مانند ثابت رہیں گے اوراسی راستہ پرچلتے ہوئے اپنی جان کے ذریعے دین خداکی مدد کریں گے ” إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ"اگرتم اللہ کی مددکروگے تواللہ بھی مدد کرے گا اورتمہیں ثابت قدم بنادےگا۔

اللہ تعالی شہداء کے درجات کوبلنداورلواحقین کو صبر جمیل اوراجرجزیل عطافرمائے۔

آمین یارب العالمین

ولا حول ولاقوۃ الابااللہ العلي العظیم

سیدعادل علوی حوزہ علمیہ قم

7ربیع الاول 1434ھ

آخری خبریں

اتفاقی خبریں

زیادہ دیکھی جانے والی خبریں

بغداداورکوئٹہ کےحادثات پر آیت اللہ سیدعادل علوی کامذمتی بیان