50سے زیادہ ممالک کے وفود کی موجودگی میں نویں سالانہ بین الاقوامی ربیع الشھادة ثقافتی جشن کی افتتاحی تقریب

بروز بدھ 2شعبان 1434ھ بمطابق 12جون 2013ء کو روضہ مبارک حضرت امام حسین(ع) کے صحن میں نویں سالانہ بین الاقوامی ربیع الشھادة ثقافتی جشن کا افتتاح ہو گیا ہے یہ جشن کربلا کے مقدس روضوں کی طرف سے امام حسین علیہ السلام حضرت عباس(ع) اور شعبان کے مہینے میں دنیا میں آنے والی اہل بیت اطہار سے تعلق رکھنے والی دوسری برگزیدہ ہستیوں کے جشن میلاد کے حوالے سے 3سے 7شعبان 1434ھ بمطابق 12تا16 جون2012ھ منعقد کیا گیا ہے اس سال اس جشن کا شعار یہ ہے (امام حسین علیہ السلام ہی بہترین نمونہ اور بہترین دعوت ہیں) اس افتتاحی تقریب میں روضہ مبارک امام حسین(ع) کے سیکرٹری جنرل علامہ شیخ عبدالمہدی کربلائی اور روضہ مبارک حضرت عباس(ع) کے سیکرٹری جنرل علامہ سید احمد صافی کے علاوہ مراجع عظام کے نمائندگان، دیوان وقف شیعی کے صدر، روضہ مبارک حضرت امام علی ابن ابی طالب(ع) کے سیکرٹری جنرل، روضة مبارک امام موسیٰ کاظم(ع) و امام محمد تقی(ع)کے سیکرٹری جنرل اور روضہ مبارک امام علی نقی(ع) و امام حسن عسکری(ع) کے سیکرٹری جنرل اور اداری سربراہان اور 50سے زیادہ ممالک کے وفود نے شرکت کی اس افتتاحی تقریب کو 25سے زیادہ ٹیلی وذژن چینلوں اور دوسرے بہت سے میڈیا کے اداروں نے کوریج دی۔ اس افتتاحی تقریب کا آغاز کربلا کے دونوں روضوں کے مؤذن جناب الحاج اسامہ کربلائی نے تلاوت قرآن مجید سے کیا اور اس کے بعد دونوں روضوں کی نمائندگی کرتے ہوئے علامہ سید احمد صافی نے خطاب کیا اور پھر ان کے بعد بالترتیب دیوان الشیعی کے صدر جناب سید صالح حیدری، الازھر یونیورسٹی کے نمائندے جناب شیخ عبد الولی نصری، النمسا میں قائم مؤسسہ اسلامیہ للتعلیم والثقافہ کے رکن جناب وولف غاتع کرایبل، چین سے آئے ہوئے مہامن یان ایجو (نوح بن اسحاق)، ہندوستان کے علماءِ اہل سنت کی کمیٹی کے سربراہ جناب دریا آبادی، اہل سنت کے معروف عالم جناب شیخ جمال الدوسری نے خطاب کیا۔ اس تقریب میں بحرین کے شاعر مجتبی ثنان اور نذیر مظفر کے لکھے ہوئے قصائد بھی پڑھے گئے۔ جب اس افتتاحی تقریب کا اختتام ہوا تو تمام مہمان کتابوں کی نویں عالمی نمائش کو دیکھنے کے لیے چلے گئے کہ جہاں پر ایک مختصر تقریب میں نمائش کا افتتاح کیا گیا
مهرجان