رسول اکرم (ص)  اور اهلبیت  (ع)کی زیارت  کے بارے میں كثرت سےروايات نقل هوئی هیں  زیارت کا مقصد زائر کا صاحب فضيلت کے پاس حاضر هونا هے تاکه اس سےمحبت اور چاهت کا اعلان کرے ،برکت اور فیض حاصل کرے،اطاعت اور پیروی  کا دم بھرے ،اور اس کے اخلاق اور سیرت کو اپنا ۓ ،اجر وثواب حاصل کرے  ان مقاصد  کے علاوه  دوسرے اور  مقاصد کے لیے زیارت کی جاتی هے جنهیں زیارت کی فضیلت ،ثواب اور فلسفه کے باب میں بیان کیا جاتا هے .

سید الشهداء حضرت امام حسین (ع) کی زیارت کے بارے میں بهت سی روایتیں موجود هیں جو آپ کی زیارت کی عظمت، فضیلت ،اور دنیا وآخرت میں اسکے آثار  اور برکتوں پر دلالت کرتی هیں[1] بعض روایتوں میں آپ کی زیارت کیلئےایک ایسا امتیاز ذکر  هوا هے  جو که  انبیاء اور اوصیاء (ع) کی زیارتوں کےبارے میں نهیں ملتا وه یه هے که جو امام حسین (ع) کی زیارت کرے تو اس نے عرش پر الله تعالی کی زیارت کی  ،یه بهت عظیم اور گراں مطلب هے جسے الله کا مقرب فرشته یا نبی مرسل یا وه مومن تحمل کرسکتا هے جس کے دل  سے الله تعالی نے  ایمان کا امتحان لیا هو.  

عرش پر الله تعالی کی زیارت کرنا یعنی الله تعالی کے اسماء اور صفات کی تجلیات کا ملاحظه کرنا یه اس شخص کے لیے هے جو امام حسین(ع)  کی زیارت کرے لیکن اس شرط کے ساتھ که امام عالی مقام کی معرفت رکھتا هو ایسےشخص  کوالله تعالی کے اسماء حسنی اور صفات علیاء کی تجلی امام حسین (ع)کی ذات  میں،زندگی میں اور سیرت طیبه  میں  نظر آتی هے  اسوقت اگر ایسا شخص امام حسین (ع)کو دیکھے تو  اسےالله تعالی نظر آتا هے  وه خدا جو واجب الوجود هے اور تمام صفات کما ل وجلال و جمال کارکھنے والا هےاور امام حسین (ع) کا وجود مبارک اس  کی سب سےبڑی نشانی  هے .اور اس امر کی تایید میں ائمه (ع)کی بهت سی روایات  وارد هوئی هیں :

حضرت امام صادق (ع) سے روایت هوئی هے که آپ نے فرمایا : حواریوں نے حضرت عیسی (ع) سے پوچھا : اے روح الله !هم کس کے ساتھ رهیں ؟ آپ نے فرمایا : اس شخص کے ساتھ رهو جسے دیکھ کر تمهیں  خدا یاد آئے اس کی گفتارسے تمهارے علم میں اضافه هو اور اس کاکردارتمهیں آخرت کی طرف مرغوب کرے .

امام حسین (ع) وه کامل ترین فرد هیں جنهیں دیکھ کر خدا  وندمتعال یاد آتا هے جو شخص بھول چوک  اور غفلت میں هوجب وه امام حسین (ع) کے حضور میں پهنچے تو اسے الله تعالی نظر آتا هےاور الله تعالی کے حضور میں پهنچتا هے لهذا آپ کےپاس اور آپ کے حرم شریف میں حاضر هونا گویا عرش پر الله تعالی کے حضور  میں حاضر هونا هے اورجو شخص حرم شریف میں معرفت کے ساتھ آپ کی زیارت کرے   تو گویا  عرش پر الله تعالی کی زیارت کی.

1-حضرت امام حسن (ع) سے نقل هوا هے که آپ نےفرمایا : میں اور حارث اعور، دونوں امیر المومنین (ع) کی خدمت میں حاضر تھے آپ نے فرمایا : میں نے رسول خدا  (ص)سے یه فرما تےهوۓ سنا  که: آخری زمانے میں ایک ایسی قوم آئے گی جو میرے  بیٹے حسین کی قبر کی زیارت کرے گی جو اسکی زیارت کرے اس نے میری زیارت کی  آگاه رهو ! جس نے حسین کی زیارت کی گویا اس نے عرش پر الله تعالی کی زیارت کی هے .

2- بشیر دھاّن حضرت امام جعفر صادق (ع) سے نقل کرتاهے که آپ نے فرمایا: اے بشیر ،جو بھی معرفت کے ساتھ حسین (ع) کی قبر کی زیارت کرے  تو وه عرش پر الله کی زیارت کرنے والے کی مانند هے.

3- حضرت امام جعفر صادق (ع) سے روایت هوئی هے که آپ نے فرمایا:جو شخص عاشورا کے دن حقیقی معرفت کے ساتھ قبر حسین ابن علی (ع) کی زیارت کرے تو وه اس شخص جیسا هے  جس نے عرش پر الله تعالی کی زیارت کی هو.

4- زید شحّام کهتا هے که میں نے حضرت امام جعفر صادق (ع) سے پوچھا : قبر امام حسین کی زیارت کرنے والے کیلئے کیا اجر هے ؟ آپ نے فرمایا : اس کا اجر یه هے که گویا اس نےعرش پر الله تعالی کی زیارت  کی  هے .

5 -حضرت امام رضا (ع) سے منقول هے که آپ نے فرمایا: جوشخص دریاے فرات کے کنارےحضرت ابو عبد الله (الحسین ) (ع) کی قبر کی زیارت کرے  وه عرش پر الله تعالی کی زیارت کرنے والے کے مانند هے .[2]   

6-اور آپ سے مروی هے  که فرمایا: جو بغداد (کاظمین)میں میرے بابا کی قبر کی زیارت کرے  تو وه رسول خدا اور امیرالمؤمنین کی زیارت کرنے  والے کی مانند هے آگاه رهو بیشک رسول خدا اور امیر المؤمنین (ع) کو اپنی الگ فضیلت حاصل هے

راوی کهتا هے پھر آپ نے مجھ سے فرمایا : جو دریاے فرات کے کنارے حضرت ابو عبدالله (الحسین) کی قبر کی زیارت کرے  تو وه کرسی پر الله تعالی کی زیارت کرنے والےکی مانند هے .

ظاهرا ًعرش پر یا کرسی پر الله تعالی کی زیارت کرنا،الله تعالی سے بهت زیاده قریب هونے  اور قربت کے اعلی درجه تک پهنچنے سے کنایه هے.

کها جاتاهے: اهل معرفت کے هاں یه ثابت  هے که  انسان کیلئےخدا کی جانب سیر وسلوک  کے درجے اور منزلیں  هیں که جهاں الله کی اطاعت کی وجه سےایک بلند حالت ،عظیم مرتبه اور قرب خاص تک پهنچتا هے  جسے فنا فی الله سے تعبیر کیا جاتا هے یه قرب خداوندی اوربندگی کی کمال کا آخری  مرحله هےوه حقیقی بند گی جو  ربوبیت هے تک پهنچ جاتا هے یه بندے کا علم خدا کے علم میں گھل مل جانے اس کی قدرت خدا کی قدرت میں مضمحل هو جانے ،اسکا اراده الله کے ارادے میں گم هو جانے سےتعبیر هے که جهاں الله تعالی کے ارادے  اور حکم کے سامنے اسکاکوئی بھی اراده  اور حکم نهیں هے الله تعالی کی قدرت  کے سامنے اپنی کوئی قدرت نظر نهیں آتی ،الله تعالی کی مرضی کے خلاف کسی چیز کا اراده نهیں کرتا ،جب بنده اس عرفانی حالت میں یهاں تک  باقی رهتا هے که یه صفت اس کے تمام جسم وروح  میں رچ بس جاتی هے اور اپنے رب میں اس حد تک فنا هو جاتا هے  که وه اپنے رب کے اسماء حسنی  اور صفات علیا کا مظهر بن جاتا هے اس مقام پر آکر اسکا اکرام خدا کا اکرام بن جاتا هےاسکی زیارت خدا کی زیارت اور  اس کی توهین الله کی توهین بن جاتی هے . جس طرح امیر المؤمنین (ع)سے منقول ایک حدیث شریف میں آپ نے فرمایا : جس نے ایک عالم کا احترام کیا تو  اس نے اپنے رب کا احترام کیا.[3]

حقیقی عالم، الله تعالی کے علم کا مظهر هوتا هے اور اس کا احترام الله تعالی کا احترام شمار هوتا هے جیسا که منقول هے که الله تعالی نے اپنے  بعض انبیاء سے مخاطب هو کر فرمایا :میں بیمار هوا تھاتوتم عیادت کیلئے نهیں آیا جب   الله کے اس نبی نے سوال کیا اورحقیقت امر کے بارے میں پوچھا تو الله تعالی نے فرمایا : میرا فلان بنده بیمار تھا تو تم عیادت کیلئے نهیں گیا .