Allah ya girmama ladanku da namu bisa tunawa da wafatin Manzon Allah (s.a.w) da kuma sh

Ankarbo daga Manzon Allah (s.a.w)

«ثلاثة من مكارم الأخلاق في الدنيا والآخرة : أن تعفو عمّن ظلمک ، وتصل من قطعک ، وتحلم على من جهلک »

Abubuwa guda uku suna cikin kyawan dabi'u duniya da lahira: kayi afuwa kan wanda ya zalunceka, ka sadar da zumunci da wanda yanke maka zumunci, kayi hakuri da dauriya kan wanda ya jahilceka.

Daga Imam Rida (a.s)

«من حاسب نفسه ربح ، ومن غفل عنها خسر، ومن خاف أمن ، ومن اعتبر أبصر، ومن أبصر فهم ، ومن فهم علم ، وصديق الجاهل في تعب ، وأفضل المال ما وفى به الغرض ، وأفضل العقل معرفة الإنسان نفسه ، والمؤمن إذا غضب لم يخرجه عضبه عن حقّ ، وإذا رضي لم يدخله رضاه في باطل ، وإذا قدر لم يأخذ أكثر من حقّه »

Duk wanda yayiwa kansa hisabi yaci riba, duk wanda ya gafala daga yiwa kansa hisabi yayi hasara, duk wanda yaji tsoro ya aminta, duk wanda ya fadaku ya gani ya basirantu, duk wanda basirantu ya fahimta, duk wanda ya samu fahimta ya samu ilimi, Abokin Jahili yana cikin wahala, mafi falalar dukiya wacce aka cimma buri da ita, mafi falalar hankali shine mutum ya san kansa, shi Mumini idan yayi fushi fushinsa baya fitar da shi daga kan gaskiya, idan ya yarda yardarsa ba ta shigar da shi bata, idan ya samu iko baya daukar fiye da hakkinsa.

Daga Imam Hassan Almujtaba amincin Allah ya tabbata a gareshi:

Daga cikin kyawawan halayen Mumini akwai karfi cikin addini, da karamci cikin tausasawa, da yankewa cikin ilimi, da shahara cikin hakuri, da yalwata cikin ciyarwa, da tsakatsaki cikin ibada, da kauracewa kwadayi, da kyautata cikin daidaito, baya zalunci kan wanda yake kiyayya da shi, baya yarda ya sabawa Allah sabida son wani, baya da'awar abinda ba nasa ba, baya inkarin hakkin da yake kansa, baya kifce baya yafice, mai kushu'I cikin sallah, mai yalwatawa cikin zakka, mai yawan godiya cikin yalwar hali, mai hakuri lokacin bala'I, mai gamsuwa da abinda uyake a hannunsa, fusata bata kwadayi cikinsa, basa hada waje n zama da rowa, yana cudanya da mutane domin Karin ilimi, ya kame bakinsa domin ya kubuta, idan aka zalunce shi sai ya barwa Allah ya daukar masa fansa.

ahadar jikokinsa Imam Hassan Almujtaba da Imam Rida (a.s